اكسسوارات بناتي من ورق مجلات الاطفال , منتديات ملتزمون

منقوووووووووووووووووووووول

السلام عليكم
انهاردة معايا اكسسوارات بناتي من الورق
انا لسة مخلصاهم من كام يوم وقلت لازم احطهم عالمنتدى للافادة لانهم بجد شكلهم تحفة وكل اللي شافهم مش مصدق انه ورق

اسيبكم مع الصور




دي العقود اللي طلعتها ودي الاساور بتاعتها

نيجي بقا للطريقة :


نجيب مجلات البنات اللي عندنا وناخد ورقة منها ونجيب مسطرة ومن اعلى الصفحة واخرها نحدد بمعدل نص انش ونعمل علامة لغاية مانخلص العرضين


وبعدين هنقطع بالكتر بالمسطرة على شكل مثلثات رفيعة من النقطة اللي فوق بالنقطة اللي تحت
بس اول نقطة هتكون مع تاني نقطة من تحت عشان تكون مايلة للمثلث وفي الاخر هتطلع المثلثات عكس بعضها كدة


وبعدين هنلف على اي عود ممكن عود خلة الاسنان او اعواد الشوي نبدأ من قاعدة المثلث ونلف لغاية الاخر والطرف نلزقه بالصمغ


وهتتكون خرزة من الورق المثلث زي كدة على طرف العود


وهناخد الخرزة وهي عالعود وندخلها في ازازة مانيكير شفاف عشان تمسك اكتر وتطلع بتلمع وبعدين نغزها على طبق فبر ونسيبها تنشف


وبعدين هتطلع الخرزات كدة ولو تلاحظوا الجمب اليمين بيلمع والشمال لسة مادخلش المانيكير


ونعمل بقى العقود والاساور وممكن حلقان او اي حاجة تانية
وانا ضفت معاهم خرز كان عند بناتي بس خرز بلاستيك عادي
وكونت كل مجموعة خرز بنفس اللون وعملت طقم بيهم وعلى فكرة كل ماتكون صفحة المجلة فيها رسومات والوان هتطلع خرز الوانه احلى

يارب تعجبكم