عملت أحلى تورتة لاحلى ابن اخت في الدنيا تعالوا اتفضلوا معانا
منتديات ملتزمون
منقووووووووووووووووووووووووووووووووول
السلام عليكم ورحمة الله وبركاته
ازيكم ياقمرات عاملين ايه
شوفوا معايا اخر تورتاية عملتها علشان بودة حبيب خالته
ربنا يديله الصحة والسعادة وطول العمرالتورتة عملتها بنفس الطريقة اللي موجودة في موضوعي الاولاني خالص
وأخيرا نزلت لفتوكاتي حبايبي طريقة عمل التورتة الهشة طبقات أبيض*بني بالصور
وعملت معاها كنافة وكيكة بجوز الهند وكب كيك بجناش الشيكولاته
طريقة الكنافة
نص كيلو كنافة بفرفتهم مع ربع كيلو سمن بلدي في صينية حرفها صغير (صينية بسبوسة )
ادخلها الفرن على نار عالية لغاية مالوش يتحمر وبعدين اقلبها على الوش التاني لغاية مايتحمر برضه
اطلعها واسقيها شربات تقيل بارد
الشربات 2كوب سكر +كوب وربع مية ونص ليمونة تغلي عالنار لغاية ماشوف فقاقيع هوا عالوش اطفي علطولطريقة الكيكة بجوز الهند
3بيضات كبيرة +ملعقتين نشا+كوب سكر +نص كوب سمن بلدي+نص كوب لبن+كيس فانيليا+نص كوب جوز هند
اضربيهم كلهم في الخلاط
صبيهم في دورق وحطي عليهم كوب وربع دقيق +نص كيس بيكنج بودر
حطيهم في صينية مقاس 24سم
دخليهم الفرن على نار متوسطة بعد ماتكوني مولعة الفرن قبليها بربع ساعة يسخن
طريقة الكب كيك بجناش الشيكولاتة
نفس مقادير الكيكة اللي بجوز الهند بس شيلي النص كوب جوز هند
وبتصبي الكيكة في قوالب الكب كيك
والتسوية في الفرن على نار متوسطةجناش الشيكولاته
ربع كيلو شيكولاته خام مبشورة عليهم ملعقة سمن بلدي صغيرة وربع كوب لبن عادي(او بدل السمن واللبن تحطي كريمة لباني بس انا مكانش عندي)
سيحيهم على نار هاااااااااااااااااادية جدا وبسرعة بتقلبي لغاية مايدوب كويس
اطفي وشكلي بيهم من فوق الكب كيك زي ماتحبيوده كان شكل السفرة النهائي قبل الشوك الشموع والعصاير والحاجات اللي بتفرقع
ايه رايكم يافتوكات
اتمنى تكونوا استفدتوا من اللي كتبته
ملحوووووووووووظة انا بستخدم الكوباية العادية في معاير المقادير
شبه دي
مش بستخدم المجات لان حجمها كبير قوي
في رعاية الله
منقووووووووووووول