بسم الله الرحمن الرحيم
حبايبى فتوكاتى
كل ما ادخل موضوع الاقى حبايبى الفتوكات يقولى انا نفسى شقتى تبقى زى شقة بنت خالتى
وانا شقتى تبقى زى بنت عمى وانا نفسى تبقى نفس ونظافة خالتى ليييييييييييه يا حبايبى ليييييييه متبقيش شقتك انتى احلى شقة فى دنيا
-نظافة
-ريحه
-جمال
-بساطة
ليييييييييييييييه ده احنا ستات بيوت قدها وقدوه ولا ايه فتوكاتى
تعالى معايا والله الحل سهل جدا ولو الالتزاماتى بخطوات ده وكل اللى هيدخل بيتك هيقولك ايه النظافه وينبهر
والحمد لله كل اللى يدخل شقتى يقولى بسم الله مشاء الله عارفين يومى فى شقتى يوم الاتنين علشان زوجى يوم الاحد بيكون قاعد بيعيش حياتى بقا يوم الاتنين والله بتفضلى شقتى طوول الاسبوع زى الفل
تعالوا معايا هنمسك خطوة خطوه يارب اكون خفيفه عليكم
اولا
ايوه باب الشقه ده عنوان بيتك جوه هيكون ايه
مش هقول كل يوم يتمسح لا كل اسبوع على الاقل اللى هو يوم الاتنين
بمسك الفوطه بالجاز والمعه بيفضل ببرق
مدخل الشقة يعنى اول ما تفتحى باب الشقة طبعا الرسيبشن- فى بنات ده مكانه جلوسهم يعنى القاعده فيها على طووووووووووول صح
طيب ليه منجيبش ملايه قديمة ونقصهااااااا على قد القاعدة بتاعت الانتريه او الصالون بحيث لو اتكب عليه حاجة
هيقع على القماشة اللى حطينها بحيث لو جه ضيف على سهواااااااااا نشيل الحتت الملاية القديمه بكده هيبقى الصالون فله
نفسس الشى فى الانتريه-هتكلم يا بنات على السفنج بتاع الصالون والانتريه
لما بروح عند حد الاقى جنب واطى وجنب عالى عارفين لييييييييييييييه
علشان السفنج بيفضل مكانه مش بنغيره بمعنى لو صالون نجيب الجنب اليمين مكان الشمال وهكذا وشوفى الفرق بعينك
هيتظبط
-الانتريه بتقى السفنجه مربعه يعنى ممكن نجيب اللى وراه قدام واللى قدام وراه مره
والمره التانيه نجيب الشمال مكان اليمين والله هيتعدل وهيتبظ وهيخلى الشكل العام تحففففففففه
-نجى بقاايوه الرخامه لازم تكون بتمله والسر اى زيت اكل وسلكه وندعكه ونمسحه بفوطه واتفرجى على اللمعان
بما اننا بنقعد فى الصالون او الانتريه يبقى لازم نخاف على
ايوه السجاده علشان لو ضيف جه يلاقيها فلة
هنحط عليها]
ايو المفرش علشان حبايبنا ونور عينى لما يوقعه الاكل هيقع على السجاده وهيبقى شكله مش ظريف
بلاش المفرش ممكن ملايه قديمه وهتبقى سهلة الشيل
فاضل ايه فى الرسيبشنايوه السفرة
وده بلمعهااااا الازاز بميه وخل
او الجلانس والمع خشبها بالجاز والخنذيق بفرشاة الاسنان
وطبع دوووووول علشان الريموت علشان بيقى شكلهم احلى
ممكن نعمل علبه للشواحن يا بنات للمفاتيح
تمام كده ندخل على اوضة القرود
اوضة الاطفال بصوا بقا انا بغير ملايات السرير فى الاسبوع مرتين
بلمع خشبها برضوه نفس الشى بفرش الشباك فى ايدى كل اسبوع
بفرش على السجاده
وطبعا بمسح التراب يوم ويوم
ونفس الشى فى اوضتى وده ممنوع الاقتراب او التصوير منها نهااااااائى
هتكلم عن المطبخ وطبعا اننا بنقضى اغلب الاوقات فيه
المواااااعين ياريت المواعين اول باول ده اهم حاجه
وطبعا احنا طالعين من العيد بيويتنا زى الفل
بصوا بقا انا عمله فوطه وبخاخه جاز كل يوم اخلص المطبخ وامسك الفوطه ده امسح كل حاجه الدواليب والبوتجاز
جنب البوتجاز مطرح طرطشه والله مطبخى فلة يا بنات
فى مشكل يا بنات الاكياس واه من الاكياس كنتى بعانى منها بس لقيت الحل
دخلت قسم الاعمال اليدويه وشوفت البنات عملين حافظة للكياس
انا عملت 3 هتقول لييييييييييييه
هقولكم بدال ماقعد ادور على كيس صغير اقعد دور طيب عايزه كيس كبيبر
عملت واحده للكيس الصغيره علشان اشيل فيها اللحمه الفراخ وكده
تانى واحده للمقاس الصغير بحط فيها العيش وعلى الفريزر
وتالت بقا سورى للزباله
ريحه الظفاره فى المواعين يا بنات
عارفين الحل اى مسحوق اريال برسيل اوكسى واغسيلى بيه ولا هتشمى الريحه تاااانى ابدا
يارب مكنش طولت عليكم
مش عايزه منكم غير دعوة حلو ورد بسيط هيسعدنى بجد