قصة نجاح الباشمهندس أحمد على ؟؟؟

الباشمهندس أحمد على الى فى الصورة ده خريج حاسبات ومعلومات القاهرة ، احمد سقط فى 22 مادة !! ايوه فى 22 مادة من أصل 48 مادة فى خمس سنين ، طبعا دى علامات الفشل الدراسى الى ممكن تتسبب فى إننا نسيب الكليه أو نؤمن إننا فاشلين ، لكن مع أحمد الموضوع أختلف تماما



أحمد حاليا شغال فى GOOGLE USA ايو جوجل الى فى امريكا ، كمان احمد رئيس لجنة الحكام فى المسابقة العربية للبرمجيات .



أحمد رغم انه كان فاشل دراسيا الا انه صمم على النجاح وقدر ينجح فى كل المواد ويتخرج من الكليه مش بس كدة احمد كان متميز وكان مدرك ان الجامعه مش هتفيده بالقدر الكافى الى هيخليه يحقق حلمه انه يكون مبرمج متميز وله اسمه ومكانته بين المبرمجين فى العالم كله



أحمد من بداية الدراسه بدأ يطور من نفسه ويشوف احتياجات السوق العالميه ايه فى البرمجه واشترك فى مسابقة ACM على مستوى العالم العربى والعالم كله وفريقه طلع مرتين المركز الثانى



احمد مش حالة نادرة فى مصر احمد فيه زيه كتيييييييييييييير جدا بس للاسف مش لاقين الى ممكن يعرفهم قدراتهم او غرقوا فى بحور التعليم المصرى الى بيخليك من الصعب تتعلم اى مهارة اخرى بجانبه



خليك زى احمد ومتستناش تتخرج من الجامعه ومش شرط تكون دحيح وتحفظ كتير وتبقى عامل زى الميمورى كارد ، ومتسمعشى كلام حد لما يقولك انك فاشل فى الدراسه ، لان النجاح فى الدراسة مش مقياس لذكائك او نجاحك



لسه في امل